《一个比历任领队都清楚车路士的男人

2020-05-27 分类:R好生活 作者:
《原创文章 欢迎转载 请列明出处 谢谢》-请支持蓝狮 Facebook专页-《一个比历任领队都清楚车路士的男人 按此观看图片 相信林伯特接任车路士领队都只係时间问题,打比郡以官方式宣布批準蓝军与其接触,好大程度係关係到阻碍「绵羊」来季组班进程而希望尽快了断,其实要借其他球会把口而向外界宣称车路士下任接班人,就咁睇都几好笑,车迷对于哩位传奇中场回归既意见好坏参半,但无论点都好林伯特都绝对係一个比历任领队都清楚车路士既男人。先有施治回归管理层,担任技术及表现顾问/指导(Technical and performance advisor),有人话此举除左为近年管理层喺处理球会大小事务上既不满降温之外,亦係为林伯特返黎铺路,睇番近年黎车路士都好愿意比机会一啲过往效力过既球员喺退役后回归史丹福桥担任要职,苏拿、保罗费拉拿、古迪仙尼等都各有其职,前至宣传大使后至训练团成员都能发挥所长,同时两位传奇林伯特同泰利亦喺上季正式开始教练生涯。林伯特上季接掌英冠球会打比郡,对于一个初出茅庐既主帅黎讲由英冠开始教练生涯既第一站绝对係明智之举,始终要成为一个好教练从来都唔能够一步登天,当时林伯特亦向车路士招手希望U18主教练摩利斯Jody Morris以及一队体能教练Chris Jone能够过档协助,再加上同样退役后转为教练既基云等人,打比郡整个教练班底可以话混合左实战以及执教经验。睇番佢哩一季既成绩其实都唔差,季尾都能够杀入升班附加赛,进程中亦喺四强次回合反胜有「狂人」比尔沙执掌既列斯联,虽然最终喺冠军战不敌有泰利做助教既阿士东维拉,不过整季既表现都合格有余,值得球迷比多一季时间等佢再尝试冲击升班席位。讲完好果方面,当然要评论番啲坏既一面,林伯特喺战术方面既思维都比较幼嫩,单係以附加赛决赛哩啲一场波既赛事咁睇,其实你会唔係好知佢地既战术部署係点,究竟係打控球定係打反击,九十分钟都无一个好明确既方向比到大家,咁当然哩啲野都係要时间慢慢砌返黎。以林伯特只得一季既正式执教经验黎讲,依加直接接掌车路士黎讲似乎有啲快,不过有人话其实施丹都係同差唔多,加上近年球坛都兴起一道「少帅风」,哩一阵新鲜感的确好大机会为球迷同球会带黎一啲新冲击,但如果对比于施丹当日接掌皇马主帅一刻黎讲,林伯特依加所面对既问题会更加之多,至少人脚班底上车路士同人地都经已係天渊之别,加上受到转会禁令所影响,只可以活用队中哩一刻所拥有既球员去应付黎紧重返欧联后既多条战线,只可以话真係困难重重。 新人事新作风,喺有危自有机既情况下亦或者会带黎一啲新境象,无疑青年军同「外借军团」当中有唔少能力之士能够喺黎紧哩一季大展拳脚,而林伯特对于管理车路士更衣室方面绝对有一定经验,话哂佢都曾经係「当事人」之一有唔少经验之谈,既然莫巴莫域治搵得哩位传奇人物返黎帮手,深信油王亦明白好大机要负出一定程度既下限比佢,讲紧既係无论喺时间以至成绩上,亦希望球迷们尽可能「贴地」多一点,搣甩果铺新帅就有盃落袋既毒瘾,至少喺擅长限米煮限饭既宾尼迪斯同林伯特之间管理层选择了后者,就必定有其用意(先姑且暂时相信管理层洗心革面)。希望球队重新出发,别再望回头重蹈覆辙,球迷们不想再走冤枉路。今集篇幅较以往长篇,多谢各位花时间收睇......文章发表时间 : 27/06/2019 17:30文章最后更新时间 : 27/06/2019 17:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇: 下一篇: