《一季过客 欧冠功臣 纹身型男

2020-05-27 分类:G超生活 作者:
《原创文章 欢迎转载 请列明出处 谢谢》-请支持蓝狮 Facebook专页-《一季过客 欧冠功臣 纹身型男 按此观看图片 美利拉斯,一听到哩个名相信唔少人会即刻谂起拉美利斯,名字上的确较容易令人混淆,不过两者喺类型上都係截然不同风格既中场球员,而美利拉斯身上既纹身定必成为辨别两者之间最好既记认,可惜既係球员只短暂加盟一季就沖沖离开,不过佢哩一季过得总算令人相当刻骨铭心。2011年夏天由利物浦转投到车路士既佢,係继费兰度托利斯以及班拿约后第三位由晏菲路转到史丹福桥既球员,似乎当时蓝军对于能够攻破己方大门既红军球员特别情有独锺。喺当时艾辛长期受到伤患所困扰底下,车路士喺中场中既人手配置可以话非常有限,只有林伯特、拉美利斯、米基尔三位常用主力以及一班年青小将,无论喺战术上还是轮换上都的确有需要增添多一名中场球员,不过美利拉斯并非当时车路士既第一目标。车路士将哩个位置既首选定为啱啱击败C朗、美斯既「金球奬」得主,当时仲效力紧热刺既莫迪历身上,蓝军不断为克罗地亚人加码报价,但一律都被热刺拒绝,由于时间紧迫,车路士不得不另寻目标。亦好快就传出美利拉斯哩个名,而球员喺转会后指出当时收到报价后其实并不希望离开红军,似乎利物浦既决定成为左哩单转会既关键。喺踢法方面,美利拉斯可以话係一个相当全面既中场球员,无论攻守方面表现都非常称职,而且能够担任中场上每个位置,主要取决于教练战术既部署安排,加上球员远射準绳度亦相当高水準,只要皮球落喺站于接近禁区线外既佢脚下,几乎每次起脚都能够命中目标。自佢同林伯特离开之后其实都无乜边个球员能够喺远射方面接棒,实在令人怀念。球员同当时车路士新上任既主教练韦拿斯保亚斯曾经喺波图短暂合作,双方互相都有一定认识,亦令佢好快成为蓝军中场既绝对主力,不过经过一轮动荡后,保亚斯黯然落台由迪马堤奥走马上任,美利拉斯亦成为左轮换球员。而喺欧联準决赛被判罚一面黄牌,导致佢不能够喺安联球场既决赛上阵,可以话非常可惜,不过最终美利拉斯都能够为球队赢得欧冠以及足总盃两座奬盃,绝对係写下历史。车路士成为欧联冠军后,球会方针亦都改变了,同时吸引唔少年轻有名既球员加盟,在于换血係大势所趋,最终美利拉斯经历短短一季后亦选择离开,实在可惜,不过都经已让球迷们刻骨铭心。文章最后更新时间 : 8/4/2019 16:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇: 下一篇: